صباع إيميليانو مارتينيز يحرمه من الانتقال إلى يوفنتوس

متابعات – حضرموت نيوز 

يوفنتوس كان رجع فتح خط المفاوضات تاني مع أستون فيلا امبارح “الأحد” عشان يتعاقد مع إيميليانو مارتينيز خصوصًا بعد حسم الفيلانز صفقة زيون سوزوكي وفتح باب الرحيل للحارس الأرجنتيني.

الأمور كانت متقاربة جدًا بين يوفنتوس وأستون فيلا، البيانكونيري مقدم “10 مليون يورو باحتساب الإضافات” في حين النادي الإنجليزي طلب “10 مليون ثابت”، فالموضوع كان سهل يخلص.

بس فيه نقطة مهمة، إيميليانو مارتينيز جاله إصابة في صباعه بكسر وقت نهائي دوري المؤتمر الأوروبي، وهو لعب على الإصابة دي بمسكنات في وقت كاس العالم، وكان فيه شكوك إنه ممكن يعمل عملية جراحية.

يوفنتوس طلب من إيميليانو مارتينيز إنه يعمل كشوفات طبية دقيقة على صباعه عشان يشوف وضعه، والفحوصات دي أثبتت إنه مش هيحتاج عملية جراحية.

لكن يوفنتوس قرر إنه يتراجع عن الصفقة رغم تأكيد الكشف الطبي لأن كان فيه خوف إنه يجي في نص الموسم والإصابة دي تتفاقم وتضطره يعمل عملية جراحية، وهنا هيفقد اللاعب لمدة 3 أو 4 شهور مثلًا.

يوفنتوس محبش ياخد الريسك دا خالص وإنه يغامر بفكرة لعيب عليه شكوك ممكن يغيب لفترة طويلة، بالتالي انسحب من الصفقة.

حاليًا، الاتجاه بقوة نحو فيكاريو إنه بنسبة كبيرة جدا جدا جدا هيكون حارس يوفنتوس القادم، وبكرة نتكلم عن القصة دي لما يحصل تأكيدات أكتر.